काठमाडौं । प्रतिनिधिसभाको बैठकमा रास्वपाले आजपनि नाराबाजी गरेको छ ।

भिजिटि भिसा प्रकरणमा गृहमन्त्री रमेश लेखकको राजीनामा माग गर्दै रास्वपाले रोस्टम घेराउसहित नाराबाजी गरेको हो ।

सभामुख देवराज घिमिरेले सदनको कारबाही अघि बढाएका छन ।

उनले विनियोजन विधेयक अन्तरगत युवा तथा खेलकुद मन्त्रालय, महिला तथा ज्येष्ठ नागरिक, अर्थ, सहरी विकास, प्रधानमन्त्री तथा मन्त्रिपरिषद्, राष्ट्रिय योजना आयोग, राष्ट्रपति र उपराष्ट्रपति कार्यालयसम्बन्धी विनियोजनसम्बन्धी छलफल चलाएका हुन ।

छलफलमा ८ जना सदस्यले बोल्न नाम टिकाएका छन् ।