रास्वपा सांसद गणेश पराजुलीले सभामुखले सदनमा सत्तापक्षलाई बोल्न दिनको लागि विपक्षी दलसँग बार्गेनिङ गरेको खुलाएका हुन ।
भिजिट भिसा प्रकरणमा जोडिएका गृहमन्त्री रमेश लेखकको राजीनामा माग्दै विपक्षी दलले अवरोध गरेपछि सभामुखले दलीय आधारमा बोल्न दिने बताएका थिए ।
भिजिट भिसा प्रकरणमा जोडिएका गृहमन्त्री रमेश लेखकको राजीनामा माग्दै विपक्षी दलले अवरोध गरेपछि सभामुखले आज दलीय आधारमा बोल्न तयार भए मात्रै बोल्न समय दिने नभए नदिने बताएका थिए।
बैठक स्थगित भएपछि संसद् भवन परिसरमा सञ्चारकर्मीहरूसँग कुरा गर्दै उनले भने, ‘सार्वभौम सदनमा जनताको आवाज लिएर उपस्थित भएको प्रतिपक्षलाई बोल्न समय उपलब्ध गराइएन। सत्तापक्षलाई बोल्न दिने भए दिने नत्र नदिने भनेर सभामुखले पनि बार्गेनिङ गर्नुभयो। त्यसले लज्जाबोध भएको छ।’
उनले सदनमा प्रतिपक्षले बोल्न पाउनुपर्ने भएपनि नदिएको बताए। उनले थपे, ‘हाम्रो माग यथावत् छ। गृहमन्त्रीको राजीनामा र उच्चस्तरीय छानबिन आयोगको नभई सदन चल्न दिँदैनौँ।’