काठमाडौं । कोटेश्वरस्थित भाटभटेनी सुपरमार्केटमा शुक्रबार दुर्गा प्रसाईं पक्षले गरेको तोडफोड र लुटपाटबाट ८० लाखभन्दा बढीको क्षति भएको छ ।
प्रदर्शनकारीले सुपरमार्केटमा पसेर ६४ लाख ८८ हजार ३३७ रुपैयाँ बराबरको सामान लुटेको अप्रेसन म्यानेजरले बताए। प्रदर्शनकारीले भाटभटेनीको सिसा फुटाइएको छ।
भवनमा भएको ११ लाख ८५ हजार ८५५ रुपैयाँ बराबर क्षतिको प्रारम्भिक अनुमान गरिएको छ। यद्दपी घटना पश्चात् पुन: संरचना यथावत नै बनाई ग्राहकको सेवामा लागिरहेको देखिन्छ। सीईओ पौडेलले यसअघि दुई लाख ६५ हजार रुपैयाँका शो-केस र अन्य सामान नष्ट भएको र काउन्टरबाट ९४ हजार रुपैयाँ लुटिएको जानकारी दिए। घटनामा संलग्न ९ जना पक्राउ परिसकेका छन।