काठमाडौं । राजसंस्थामा गृह मन्त्रि हाकेका, पूर्ब उप-प्रधानमन्त्री कमल थापाले तिनकुनेमा चैत १५ गते भएको कार्यक्रमलाई लिएर राजा ज्ञानेन्द्रलाई जरिवाना गर्ने निर्णय हास्यास्पद भएको स्ट्याटस लेखेका छन्।उनले आफ्नो व्यक्तिगत सामाजिक संजालमा ‘गलत ठेगानामा पठाईएको पत्र’ जस्तो “स्टण्ट” भयो’ भनेका छन्।
काठमाडौँ महानगरले शुक्रबार भएको घटनामा महानगरको तर्फबात भएको सम्पूर्ण कामको बिबरण सहितको जरिवाना पत्र प्रकाशन गरेको थियो। उनले स्ट्याटस मार्फत पत्रको भाषा पनि अशिष्ट र अमर्यादित भएको बताए।
उनले भने,’तिनकुनेमा चैत १५ गते भएको कार्यक्रमलाई लिएर राजा ज्ञानेन्द्रलाई जरिवाना गर्ने काठमाडौं महानगरपालिकाको निर्णय हास्यास्पद छ।’गलत ठेगानामा पठाईएको पत्र’ जस्तो “स्टण्ट” भयो। मेयर बालेन साहबाट यस्तो त्रुटि कसरी भयो होला, म अलमलमा छु। संयुक्त जनआन्दोलन समिति र नागरिक बचाउ अभियानले जिल्ला प्रशासनसँग स्विकृति लिएर कार्यक्रम गरेको रेकर्ड हेर्न महानगरपालिकालाई आग्रह छ। पत्रको भाषा पनि अशिष्ट र अमर्यादित छ । राजाको कुरा छोडिदिउँ, उहाँ पूर्व राष्ट्राध्यक्ष पनि हुन्छ भन्ने महानगरपालिकाले हेक्का राख्नु पर्ने थियो। पत्र फिर्ता लिनु बुद्धिमानी हुनेछ।‘