काठमाडौँ। शुक्रबार भएको घटनाको बिषयलाई लिएर महानगरले करिब सात लाख तिरानब्बे हजार जरिवाना तोकेको छ। गत शुक्रबार भएको आन्दोलनमा धेरै क्षेती भएको छ। शनिबार बिहानै गृहमन्त्री रमेश लेखकले घटना भएका स्थानहरुमा अबलोकन गरेका थिए।
पहिलो पत्रमा काठमाडौँ महानगरपालिका वडा नं. ३२ तिनकुनेमा आयोजना गरिएको कार्यक्रमबाट कोटेश्वर क्षेत्रको सडक तथा सडकपेटीमा जथाभावी फोहोरमैला गरि वातावरण प्रदुषण गरेकोले तपाईलाई फोहरमैला व्यवस्थापन ऐन, २०६८, काठमाडौँ महानगरपालिका वातावरण तथा प्राकृतिक स्रोत संरक्षण ऐन, २०७७ र काठमाडौं महानगरपालिकाको आर्थिक ऐन, २०८१ बमोजिम रु. १००,०००/०० (अक्षरुपी एक लाख जरिवाना गरिएको छ।
त्यस्तै दोस्रो पत्रमा आयोजना गरिएको कार्यक्रममा उक्त क्षेत्रको भवनमा आगजनी भएको खवर प्राप्त हुना साथ काठमाडौं महानगरपालिकाको न्यूरोड बारुणयन्त्रको दमकल सहित अग्नि नियन्त्रकहरु खटिई गई आगो नियन्त्रण गर्ने क्रममा कार्यक्रममा आएका व्यक्तिहरुले दमकल र अग्नि नियन्त्रकहरुलाई ढड्डा मुढा गरि दमकल फुटाएकोले क्षतिपूर्ति वापत रु. १,३०,०००/०० अक्षरुपी (एक लाख तीस हजार) दाखिला गर्नु हुन निर्देशानुसार अनुरोध गरेको छ।