काठमाडौं । सुरक्षाको दृष्टिकोणले सहज परिस्थिति नभएको भन्दै जिल्ला प्रशासन कार्यालयले कर्फ्यु अबधि लम्ब्याएको छ। शुक्रबार राती १० बजे सम्म भनेको भएपनि थप कठिनाई उत्पन्न हुन सक्ने आशंका गरि आदेश जारी गरेको छ।
जारी आदेशमा, ‘अवस्थाको विश्लेषण गर्दै यस अघि जारी भएको कर्फ्यू आदेशको निरन्तरता स्वरुप मिति २०८१/१२/१५ गते रातीको १० बजेदेखि मिति २०८१/१२/१६ गते विहान ७बजेसम्मका लागि स्थानीय प्रशासन ऐन, २०२८ को दफा ६क बमोजिम काठमाडौं जिल्लाको काठमाडौं महानगरपालिकाभित्र देहायका चार किल्ला तोकी सो सीमाना भित्र कसैले आवत जावत गर्न, कुनै पनि प्रकारको भेला, जुलुस, प्रदर्शन, सभा, बैठक, घेराउ गर्न नपाउने गरी कर्फ्यू आदेश जारी गरिएको छ’ बताईएको छ।
कर्फ्यु कुन-कुन क्षेत्रमा लागु हुनेछ?
बानेश्वर तिनकुने क्षेत्रः-
गौशालादेखी एयरपोर्ट, गैरीगाउँ, तीनकुने हुदै कोटेश्वर,
कोटेश्वरदेखी जडिबुटी पुल,
कोटेश्वरबाट बालकुमारी पुलसम्म,
बानेश्वर चोकदेखी शंखमुल पुलसम्म,
गौशाला चोकदेखी पुरानो बानेश्वर हुँदै नयाँबानेश्वर चोकसम्म।