काठमाडौं । समाजवादी मोर्चाले आगामी १५ गते काठमाडौंको भृकुटिमण्डपमा हुने विरोध प्रदर्शनमा हजारौंको संख्यामा मानिसहरू उतार्ने निर्णय गरेको छ ।
बुधबार दिउँसो बसेको समाजवादी मोर्चाको १२ औं केन्द्रीय कार्यसमितिको बैठकले यस्तो निर्णय लिएको नेपाल कम्युनिस्ट पार्टी (नेकपा) का प्रवक्ता प्रकाण्ड सीले जानकारी दिएका हुन ।
उक्त सभामा लगभग डेढ लाख मान्छे उपस्थित हुने अपेक्षा राखिएको प्रवत्ताले बताएका हुन । ‘१५ गतेको समाजवादी मोर्चाले गर्न लागेको विशाल विरोध प्रदर्शन र सभा कार्यक्रमलाई व्यवस्थित गर्ने भएको छ,’ प्रवत्ताले भने, ‘मास हजारौं संख्यामा उपस्थित गराउने निर्णय भएको छ ।
जुलुसलाई व्यवस्थित गर्न विभिन्न रुटहरू तय भएको प्रवत्ताले बताए ।
कुन कुन रुट प्रयोग गरिन्छ ?
रुट–१ : कोटेश्वर–नयाँ बानेश्वेर–माइतीघर–भृकटिमण्डप
रुट–२ : कुपन्डोल–त्रिपुरेश्वर–सुन्धारा–शान्तिबाटिका– भृकटिमण्डप
रुट–३ : नागपोखरी–पुतलीसडक–भृकुटिमण्डप