म लामो समय पछि गाउँ गए मैले गाउँ रक्सीमा लठ्ठिएको देख्दा निकै दुःख लाग्यो गाउँमा बस्दा खेरी पहिला अहिलेको जस्तो प्रसस्त मात्रामा रक्सी उपलब्ध हुँदैन थियो रक्सी खाने मान्छेको संख्या पनि त्यति धेरै हुँदैन थियो जति अहिले छ । गाउँमा रक्सी खानु नै ठूलो काम गरे जस्तो सान हुने रहेछ रक्सी नखाने मानिसको खास्सै लेखा जोखा नहुने रहेछ । आजभोलि गाउँ सम्मै टेक्टर जाने रहेछ म गाउँ जाँदा मेरो पछाडिको टेक्टर रक्सीले पुरै भरिएको थियो मैले सोधें यो रक्सी कता लिन लागेको ? यो रक्सी कति महिना सम्म चल्छ ? म बसेको टेक्टरमा रक्सी खाएर झ्याप भयको मानिसले भन्यो यो रक्सी तपाईंकै गाउँमा लिन लागेको र यो केही दिन मै सकिन्छ । म बसेको टेक्टरमा तीन जनाले रक्सी खाएका थिए। रक्सी नै आजभोलि गाउँको भोजन रहेछ भन्दा फरक नपर्ला एक पसलमा कम्तीमा चार पेटी प्रत्येक दिन बिक्री हुन्छ पसलका साउजीले मलाई भनेको कुरा हो । गाउँमा बस्ने म्याक्सिमम मानिसले रक्सी खान्छन् प्रत्येक दिन उदरो गरेर भए पनि खानै पर्ने चलन रहेछ कर्णाली भन्ने रक्सी मात्र ६० रुपैयाँ मा पाउने रहेछ क्यामिकल वाला अनि मलाई यो विषयमा अलि कति लेखौँ जस्तो लाग्यो । यसरी गाउँ समाज रक्सीले बर्बादीको शिखर तिर जाने हो भने के होला ? यो निकै दुःख दायी कुरा हो न त रक्सीको रोक थाम छ न यति उति खानु पर्छ भन्ने हाम्रो देशमा कानुन छ,  सरकार लाई त ट्याक्स आय पुग्यो । यसको असर परिवार देश समाजमा कति नराम्रो असर पर्ला यो सोचनीय विषय हैन र ? यो विषयमा न बहस भएको देखिन्छ न त यसको असरको बारेमा सम्बन्धित निकाय जिम्मेवार छ। मेरै गाउँमा रक्सी नै खाएर ३ जनाको अकालमा ज्यान समेत गइसक्यो राति बाटोमा हिड्ने क्रममा अब पनि सचेत नहुने हो भने यस्ता अप्रिय घटना कति होलान भन्न सकिन्न कतिको परिवार तहस नहस होला र भइ पनि रहेको छ । यसको समाधानको विषयमा मानिसको खास्सै चासो छैन । गाउँका साना बच्चाले के सिक्ने ? ठूलो हुनु भनेको रक्सी खानु हो भन्ने खालको सोचाइ छ । रक्सी खाए ठूलो भइन्छ भन्ने सोचाई बुझाई छ। यस्को असर पछिको युवा पिँढी लाई रक्सी बाट अलग गर्न सक्ने अवस्था छैन युवा पुस्ता रक्सीमा लठ्ठियो भने के होला देशको हालत अहीले गाउँ रक्सीमा लठ्ठीएको छ गाउँ पछि देशको भविश्य के होला ?