२ बैशाख
काठमाडौँ – अखिल नेपाल महिला संघ (क्रान्तिकारी) उपत्यका व्युरोको पहिलो बैठक सम्पन्न भएको छ ।
संघकी केन्द्रीय उपाध्यक्ष भृकुटी सीको अध्यक्षतामा बसेको बैठक विभिन्न निर्णय गर्दै सम्पन्न भएको हो ।
बैठकले बढ्दो चेलिबेटी बेचबिखन विरुद्ध संघर्ष गर्ने निर्णय गरेको छ । ‘अनेमसंघ क्रान्तिकारी उपत्यका व्युरोको पहिलो बैठक बस्यो । बैठकले बढ्दो चेलिबेटी बेचबिखन विरुद्ध संघर्ष गर्ने निर्णय गरेको छ । बैठकको अध्यक्ष रहेकी भृकुटी सीले भनिन्, ‘बैठकले संगठन विस्तारमा जोड दिने र महिलामाथि ज्यादती गर्ने वित्तीय संस्थाहरु (लघुवित्त, मिटरव्याजी, सहकारी र बैंक) विरुद्ध संघर्ष गर्ने निर्णय भएको छ ।’
उनले विचार मिल्ने र मुद्धा मिल्ने राजनीतिक दलका महिलाहरुसँग छलफल गर्ने निर्णय समेत भएको बताइन् । शनिवार दिउसो बसेको संघको बैठकले महिलाका समस्याहरुका विषयमा विभिन्न राजनीतिक दल सम्वद्ध महिला नेतृहरुसँग छलफल गर्ने निर्णय गरेको उनको भनाई छ । नेकपाको ७५ औं पार्टी स्थापनाको अवसरमा आयोजना हुने बृहत आमसभामा महिलाको व्यपाक सहभागी गराउने निर्णय समेत भएको छ ।
बैठकको प्रमुख अतिथि रहेका नेकपा उपत्यका व्युरो इन्चार्ज कृति सीले दलाल संसदीय व्यवस्था अन्त्यका लागि महिलाहरुलाई एकतावद्ध बनाउनुपर्ने बताएका थिए । उनले महिलामाथि ज्यादती बढेको भन्दै यसको अन्त्यका लागि महिलालाई संगठित गर्दै दलाल संसदीय व्यवस्था अन्त्यका लागि एकतावद्ध बनाउनु पर्ने बताएका हुन् । बैठकमा केन्द्रीय महासचिव राजकुमारी सीको समते उपस्थिति रहेको थियो ।